DRAMA SASTRA BANJAR tentang Buntar wan Naga Partala


            Buntar wan Naga Partala

            Suatu malam di sebuah desa,tidak seperti malam-malam biasanya,begitu terang namun sepi menyergap,harum dupa di mana-mana.

Buntar             : ( mengendap-endap membuka jendela dengan perlahan )

Ssstttt….Mangir…..uy Mangir………

Mangir             : pun,siapa nitu ?

Buntar             : Ini Ulun,Buntar

Mangir             : Pian ni,kalu pina katahuan abah kaya apa ?!

Buntar             : Biar abahkah,sakampungan kah tahu kada napa-napa jua.Ulun handak

malihat Pian malam ngini haja.

Mangir             : Ngini sudah adat kampung kita bararatusan tahun sudah.Ulun tarima

haja,jadi Pian  jangan maulah hual jua.

Buntar             : Tapi kanapa harus Pian,kada babinian lain haja ?

Mangir             : Karna babinian lain balum tatamu halang sapah lagi,amun Pian parcaya,kaina

Batamu ai lagi kita balain dunia.

Buntar             : Sudah ai dah amun kaya nitu.Kadada jalan lain gasan Ulun salain mambunuh

Sang Naga Partala supaya Pian kada jadi kurban (melompat pergi )

Mangir             : Buntar !

Keesokan harinya upacara pengorbanan dimulai

Mangir             : Mama…..

Mama              : Anakku…..

Mangir             : Ulun mohon ampun lawan Pian amun salama ini Ulun banyak badusa wan

Pian.

Mama              : Kada napa-napa bauntung ai,aku kada bisa sarik lawan ikam,ikam sabar

hajalah ?!

Mangir             : Inggih,Ulun tarima

Setelah itu,mereka pergi ke gua untuk memberikan sesajian .

Di tengah malam,mereka bertemu dengan ulama.

Ulama              : Assalamu’alaikum Warrahmatullahi Wabarakatuh

Orang-orang bingung tidak menjawab

Ulama              : Permisi

Gadis               : Inggih,bapandir bahasa napa Pian tadi ?

Ulama              : Ngitu bahasa Arab,salamnya urang Islam

Gadis 1            : Hanyar suah mandangar,pakaian Pian pina lain urang sini jua

Ulama              : Ulun urang subarang laut,marantau kamari manyabarakan agama Islam.Pian-

Pian ngini handak kamanaan pina hibak bawaan ?

Gadis 2            : Kami handak maantar sajian gasan Naga dalam guha Tamaluang di balakang

Gunung nitu nah.

Ulama              : Napa haja sajiannya ?

Gadis 2            : Wadai ampat puluh ampat macam,lawan babinian ngini

Ulama              : Astagfirullahwaladzim !

Gadis 1            : Kanapa ?

Ulama              : Haram hukumnya mangurbanakan nyawa manusia gasan mahluk gaib

Gadis 1            : Nangapa haramnya nitu ?

Ulama              : Sudah,hancap-hancap kita babulik ka kampung Pian sudah,Ulun handak

Tatamu wan tatuhaan kampungnya.

Ulama beserta gadis dan Mangir kembali ke desa.Gadis memanggil kepala desa yang juga Ibu Mangir

Mama              : Ada hual napa jadi bagian ikam babulik pulang mambawa Ulama?

Gadis 2            : Ulun minta maap julak ai,Sidin ngini mamaksa kami babulik handak batamu

lawan Pian.

Ulama              : Kadanya Ulun handak macari hual,tapi ngini sudah kaliwatan.Anak Pian

Saurang dikurbanakan gasan mahlik nang bagian Pian saurang kada suah

Batamu.

Mama              : Nitu sudah jadi kaparcayaan kami balawasan,supaya kampung kami aman

wan damai

buntar              : Biar kada usah basajin lagi kampung kita damai sudah.

Mama              : Kanapa ikam bapandir kaya itu ?

Buntar             : Sabab nang ada di dalam guha nitu lain naga,tapi parampuk nang rancak

mahaur kampung kita.Pian sabarataan tanang haj,rampuk nitu sudah Ulun

kalahakan wan ulun ikat di batang paring.

Gadis 1            : Bujur-bujur ?

Buntar             : Bujuran.Lakasi kita ka guha amun kada parcaya.

Mama              : Ikam sudah kaliwat bungul wani ka guha ngitu mahadapi naga atawa rampuk

Manyaurang.

Buntar             : Ulun kada kaliwat bungul,tapi Ulun kaliwat sayang lawan Mangir,anak Pian.

Mama              : Amun kaya ngitu,aku parcaya wan ikam.Aku bariakan ikam badua batali

kasih hinggan tuntung pandang.

       Pemain   

Jerry                : Buntar

Salsa                : Mangir

Putri                : Dalang

Dewi               : Gadis 1

Nia                  : Gadis 2

Linda               : Penjaga Musik

Mirna               : Mama

 

Properti yang digunakan

Nyiru halus

Kubukan

Tapung tawar

Tapih bahalai 2 buting gasan binian

Ulama bagamis wan basurban

Buntar kada mamakai baju

3 komentar

  1. di pambuhaui nya,di bangkalaan dayak kdd kisah kayak
    asitu,,,,,,,,

  2. dipambuhaui nya,di bangkalaan dayak kdd kisah nya kayak asitu,,,,,,.bahasa nya gin lain,,,,

  3. salah andak bangkalaannya haja, lain di bangkalaan pank, tnang z,,

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: